Për shkak të një rrahjeje, dy persona janë therur me thikë në lagjen Arbëria në Prishtinë.
Ngjarja ka ndodhur sot rreth orës 22:00.
Këtë e ka konfirmuar për lajmi.net, Arlinda Rexhepi, zëdhënëse e Policisë së Kosovës për rajonin e Prishtinës.
“Rreth orës 22:00, në rrugën “Ahmet Dërguti” të lagjes Arbëria ka ndodhur një rrahje në mes të disa personave. Si pasojë e rrahjes dy persona kane pësuar lëndime, dyshohet se personat kanë pësuar lëndime të renda nga mjeti i ftohtë thikë”, ka treguar Rexhepi.
Sipas saj, dy të lënduarit janë duke u trajtuar në Qendrën Klinike dhe Universitare të Kosovës, përderisa njësitet policore janë duke kryer hetimin e këtij rasti.
“Njësitet policore kane dalë menjëherë në vendin e ngjarjes dhe janë duke kryer hetime intensive lidhur me rastin, përderisa dy personat e lënduar janë duke u trajtuar në QKUK”, ka deklaruar Rexhepi.