Dy pjesëtarë të FSK-së janë ndaluar në pikën kufitare të Jarinjës në kufi me Serbinë.
Arsyet e ndalimit nuk dihen, teksa informacionin për lajmi.net e ka konfirmuar edhe zëdhënësi i ministrisë së Mbrojtjes, Ibrahim Shala.
Megjithatë, ai ka thënë se të njëjtit janë liruar menjëherë.
“Është e vërtetë, dy pjesëtarë janë ndaluar, mirëpo sipas informacioneve ata janë lëshu menjëherë, pra i kanë ndalë shumë shkurt”, ka thënë Shala.
Ndërkaq që ende nuk dihet nacionaliteti i ushtarëve që janë ndaluar në kufi.
Kujtojmë se edhe në të kaluarën ka pasur veprime të ngjashme të shteti serb me ndalimin e zyrtarëve nga Kosova.
Më së shpeshti, nga aparati shtetëror i Beogradit janë ndaluar zyrtarët serbë që punojnë në sistemin e Republikës së Kosovës.
