Në orën 8:00 të mëngjesit, në afërsi të shkollës Poklek të Drenasit ka ndodhur një rrahje në mes nxënësve, ku si pasojë të therur kanë mbetur dy persona.
Të lënduarit janë dërguar në spitalin e Drenasit për të marrë tretman mjekësor, ndërsa prej aty njëri është dërguar për tretman në QKUK.
Shefi i repartit të intensives, Shaqir Uka, tha se fëmija është sjellur paradite në QKUK, ku pas diagnoztifikimit është vërtetuar se ka plagë në regjionin e mbikrahut, afër qafës në anën e djathtë.
“Pas tretmanin që ka marrë në QKUK, i njëjti është sjellur për monitorim të mëtutjeshëm në mjekim intensiv”, është shprehur Uka në Klan Kosova.
Tutje, ai tha se lëndimi është shumë serioz, por se gjendja e përgjithshme momentalisht është stabile.
Uka tha se nëse deri nesër, gjendja e tij është stabile, atëherë do të vazhdojë tretmanin në njësi tjetër.