Policia e Kosovës ka njoftuar për një vdekje të dyshimtë në Prishtinë.
Policia e Kosovës ka njoftuar se mesditën e së shtunës është gjetur pa shenja jete një shtetas i huaji në një banesë që po jetonte në Prishtinë, shkruan lajmi.net.
Sipas njoftimit, kanë qenë tre persona të cilët e kanë njoftuar policinë se e kishin gjetur pa shenja jetë këtë shtetas të huajin në banesën që ai po jetonte.
Siç bëhet e ditur vdekjen e viktimës e ka konstatuar mjeku kujdestar, përderisa me vendim të prokurorit trupi i pajetë i tij është dërguar në Institutin e Mjekësisë Ligjore për Obduksion.
Policia ka bërë të ditur se këtë rast është duke e cilësuar si vdekje të dyshimtë.