Sipas të dhënave më të reja në botë deri më tani janë regjistruar 157.203 njerëz të infektuar me koronavirusin e ri. prej tyre 5.839 e kanë humbur jetën, ndërsa 75.940 janë shëruar.
Austri – Numri i të infektuarve me koronavirusine ri në Austri është rritur për më shumë se 100 prej dje në mesdite. Sipas Ministrisë së Shëndetësisë, numri i tanishëm është 758. Dje ka pasur 655 të infektuar deri në orën 15:00, ndërsa ajo shifër gjatë natës është rritur për më shumë se 100.
Guineja Ekuatoriale – Rasti i parë i të infektuarit me Kovid-19. Bëhet fjalë për një grua 42 vjeçare para një jave që është kthyer nga Madridi.
Australi – Nga mesnata është vendosur vetëizolim prej 14 ditëve për të gjithë udhëtarët ndërkombëtarë të cilët vijnë në atë shtet. ndalohet udhëtimi me kroçere në 30 ditët e ardhshme.
Kroaci – Disa shtetas nga 73 vende të cilët prej dje në orën 20.00 kanë hyrë në Kroaci duhet 14 ditë të jenë në izolim nëse nuk kanë ndërmend të udhëtojnë në shtet tjetër. Shtatë raste të reja janë regjistruar në shtet, kumtoi sot në mëngjes ministri i Shëndetësisë. Të gjithë janë memsimptoma të lehta. Deri më tani janë konfirmuar 46 raste të të infektuarve me Kovid-19.
Serbi – Deri më tani janë regjistruar 46 raste të të infektuarve me koronavirusin e ri. Gjysma janë në izolim shtëpiak. Presidenti sot vendos nëse do të vendos përdorim të ushtrisë në qëllime civile.
