Rrahim Hashimi dhe Kadri Rexhepi janë shpallur fajtorë nga Gjykata Themelore në Prishtinë për veprën penale mashtrim.
Gjykata e ka dënuar me 3 vjet e 9 muaj Rrahim Hashimin, e Kadri Rexhepin me 3 vjet, raporton KTV.
Policia e Kosovës kishte arrestuar Rrahim Hashimin dhe Kadri Rexhepin nën dyshimin për mashtrim.
Hashimi e Rexhepi ishin dy protagonistë në videot e skandalit të fajdeve.
Në videot e publikuara , Hashimi e Rexhepi shihen teksa kërkojnë para nga biznesmeni Faton Dalladaku, për të ndërtuar spitalin brenda hapësirës së QKUK-së.
Në disa momente ata thirren edhe në emër të atëkohë, kryeparlamentarit Kadri Veseli e nënkryetarit të Parlamentit, Xhavit Haliti.
