Udhëheqësi i njësisë së Kardiologjisë Invazive në QKUK Dr. Daut Gorani, ka reaguar ndaj komenteve të kardiologut shqiptar në Zvicër Dr. Florim Cuculi dhe kardiokirurgut në Gjermani Dr. Besnik Kojcici.
Cuculi dhe Kojcici e kanë mbështetur idenë e rikthimit të Invazivës nën ombrellën e Klinikës së Kardiologjisë, pasi sipas tyre askund në botë invaziva nuk i përket Kardiokirurgjisë sikurse është në QKUK që nga viti 2017, shkruan Gazeta Shneta.
Qeveria ndan 10 milionë euro për MSH-në dhe subvencionet për specializantët me vetfinancim
Shkon në pension drejtoresha e Klinikës së Mjekësisë Fizikale
Gorani ka thënë se ky shërbim deri më tani në QKUK ka funksionuar shumë mirë dhe sipas tij me shumë sukses në krahasim me vendet e rajonit.
Ai i ka thumbuar dy kolegët e tij duke thënë se po flasin me “porosi”, duke i ditur edhe kushtet në të cilat punojnë.
“E keni lehtë të flisni nga Zvicra dhe Gjermania me “porosi”, por ju e dini se me cfarë kushtesh ne punojmë, andaj e konsideroj jokolegiale dhe hipokrizike deklaraten e juaj”, ka deklaruar Gorani.
Lexoni reagimin e tij të plotë:
Përshëndetje i nderuar Dr. Cuculi, e pashë komentin tuaj dhe të Dr. Besnikut, mikut tim të cmuar, dhe nuk mund të qëndroj indiferent. Së pari dëshiroj të tregoj se kam shiquar shumë Qendra të Sëmundjeve Kardiovaskulare dhe kam parë se ka shërbime të Kardiologjisë invazive si subjekte të veqanta (Shërbim, Klinikë, Njësi, Repart, Laborator etj).
Te ne ky shërbim në kuadër të Kardiokirurgjisë ka funksionuar shumë mirë dhe me sukses këto vitet e fundit, shifrat flasin vet, madje me suksesin më të mirë që nga themelimi i këtij shërbimi, dhe jemi mburja e Shëndetësisë Kosovare. Ju keni bërë kërkesë të vini të na “ndihmoni” dhe ne si vëllëzër e kemi mirëpritur dëshiren tuaj.
Por, doktor i nderuar nese vini dhe shifni cka kemi punuar ne stafi i Kardiologjisë invazive këto vitet e fundit do të fascinoheni me punën dhe shkathtësitë tona. Janë trajtuar me mijëra pacient, dhe jemi bërë lider rajonal, në Sistemin Publik. Nuk e di cka ju pengon juve dhe Dr. Besnikut statusi ynë aktual, dhe gjithashtu nuk e kuptoj cka i pengon kolegëve tonë të Klinikes së Kardiologjisë.
E keni lehtë të flisni nga Zvicra dhe Gjermania me “porosi”, por ju e dini se me cfarë kushtesh ne punojmë, andaj e konsideroj jokolegiale dhe hipokrizike deklaraten e juaj. Sa për kolegët tonë Kardiolog me të cilët ne punojmë cdo ditë dëshiroj të potencioj se ka kaluar koha kur ne ishim argatët e tyre, dhe ne e bënim punën ata i merrnin meritat. Jemi shumë të vendosur që të vazhdojmë punën të pavaruar, si shërbim i veqantë dhe kur të krijohen kushtet ligjore, të bashkohemi si tre klinika të veqanta në kuadër të një Instituti të Sëmundjeve Kardiovaskulare.
