Menu Mbylle

Goxhaj: Dëshmitë e rreme ndikuan që Salih Mustafa të dënohet me 26 vjet burg

Ish-luftëtari i UÇK-së, Dritan Goxhaj, deklaroi se Salih Mustafa u dënua me 26 vjet burgim nga dëshmitë e rreme të dëshmitarëve të rremë në Gjykatën Speciale.

Për emisionin Info Magazine në Klan Kosova, ai shtoi se për këtë arsye i ka nxjerrë publikisht këta emra që janëm siç tha, dëshmitarë të rremë.

“Kjo është e gjithë arsyeja, dëshmitarë të rremë, pra vet fakti i rremë përcakton arsyen përse këta emra janë nxjerrë”, deklaroi ai.

Ish-luftëtari i UÇK-së, Dritan Goxhaj, u akuzua se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës.

“Ka edhe dëshmitarë të tjerë të fshehur dhe të mbrojtur, por emrat e tyre nuk i nxjerrin për arsye se ata janë familjarë, por ka edhe të tjerë të cilët normalisht kanë treguar atë që ata kanë qenë prezentë dhe kanë parë por nuk është gënjeshtër, pra kemi nxjerrë vetëm emrat e dëshmitarëve të rremë. Dhe kjo është arsyeja, të rremë, pra ajo çfarë ata kanë deklaruar është gënjeshtër, është e rreme dhe nuk qëndron”, sqaroi Goxhaj.