Ambasadori i SHBA-së në Gjermani, Richard Grenell, ka dhënë qëndrimin amerikan pas sulmeve me raketa që u bëri Garda Revolucionare e Iranit në caqet në Irak.
“Presidenti Donald Trump e ka thënë nga fillimi se nuk e dëshirojmë luftë. Presidenti është përpjekur që të gjejë një zgjidhje diplomatike”, ka thënë Grenell, shkruan Bild.
Ai ka thënë në këtë intervistë se SHBA është e gatshme që të bëjë gjithçka që të mbrojë trupat e saj, pronën dhe aleatët.
“Qëllimi kryesor është mbrojtja e sigurisë kombëtare të SHBA-së. Nëse Irani e kalon vijën e kuqe dhe vret amerikanë ata do ta marrin përgjigjen tonë për këtë”.
