Ish-kryeministri në detyrë, Ramush Haradinaj po merr pjesë në Lutjet e Mëngjesit që po organizohen në Washington.
Haradinaj është takuar me Sekretarin e shtetit amerikan, Mike Pompeo, ku kanë diskutuar për situatën aktuale në Kosovë dhe rolin e saj
Postimi i plotë nga Haradinaj:
I nderuar që gjatë lutjeve të mëngjesit të ndajë tavolinën me Sekretarin e Shtetit Mike Pompeo.
Me Sekretarin Pompeo diskutuam për aktualitetin politik dhe rolin e Kosovës në rajon e më gjërë. Kosova ka treguar se është në krah të Amerikës dhe partneri më besnik i saj në të gjitha aspektet globale si ato të sigurisë, ekonomike, politikës së jashtme dhe paqes e demokracisë.
Sekretarin Pompeo e sigurova se ne qëndrojmë të palëkundur në besimin se Kosova dhe SHBA përveç interesave të përbashkëta strategjike ndajnë edhe sistemin e vlerave të lirisë e demokracisë.
Zoti e bekoftë Kosovën, Zoti i bekoftë Shtetet e Bashkuara të Amerikës.
