Ish-kryeministri Ramush Haradinaj për nesër (e premte) ka thirrur mbledhjen e qeverisë, ani pse Kushtetuta thotë që me dorëheqjen e kryeministrit rrëzohet e gjithë qeveria.
KTV ka siguruar rendin e ditës ku mes tjerash do të diskutohet edhe për emërimin e anëtarëve të bordit të autoritet civil.
Kjo mbledhje po mbahet një javë pasi që Haradinaj ka dhënë dorëheqje të parevokueshme nga posti i kryeministrit. Neni 95 pika 5 i Kushtetutës thotë se me dorëheqjen e kryeministrit, qeveria që udhëheq ai ose ajo, rrëzohet e tëra.
