Shefi i grupit parlamentar të AAK-së, Daut Haradinaj ka thënë se PDK-ja ia ka borxh votën atyre për postin e presidentit.
Haradinaj deklaroi kështu në emisionin “Argument Plus”, ku bëri të ditur se AAK-ja ka marrë mbështetjen e një numri të konsiderueshëm deputetësh, ndërsa theksoi se PDK-ja ia ka borxh votën për postin e Presidentit.
Haradinaj foli edhe për mundësinë e zgjerimit të koalicionit qeverisës teksa i bëri thirrje publike PDK-së që t’i bashkohet koalicionit.
Kujtojmë që AAK-ja nuk sheh opsion tjetër për postin e presidentit përveç kreut të partisë, Ramush Haradinaj.
Pas konfirmimit të aktakuzës së Hashim Thaçit nga Gjykata Speciale, ai ka dhënë dorëheqje nga pozita e presidentit.
Ndërsa ushtruese e detyrës së presidentit është kryetarja e Kuvendit Vjosa Osmani.
