Leo Varadkar, kryeministër i Irlandës, ka arritur në Kosovë për ta zhvilluar nesër vizitën e tij zyrtare.
Varadkar është pritur në Aeroport nga kryeministri Kurti, i cili tha se Varadkar është kryeministri i parë irlandez që e viziton Kosovën.
“Sonte në aeroportin e Prishtinës e mirëpritëm Kryeministrin e Irlandës, Leo Varadkar në vizitën e parë ndonjëherë të një kryeministri irlandez në Kosovë”, shkroi Kurti.
Megjithatë, del se Kurti këtë informatë e ka të gabuar.
Kjo pasi në dhjetor të vitit 2008, kryeministri i atëhershëm Brian Cowen e kishte vizituar Kosovën.
Ai kishte zhvilluar atëherë takime me presidentin Fatmir Sejdiu dhe kryeministrin Hashim Thaçi.
Kjo është huqja e dytë sot e Kurtit, pasi gjatë ditës tha se Petrit Dula po mbahej ende në burgjet e Serbisë, ndonëse Dula është liruar para disa muajsh nga autoritetet serbe, shkruan lajmi.net.
