Një 31 vjeçar i shpallur në kërkim ndërkombëtar është arrestuar gjatë operacionit të koduar “Maqellara”.
Ervis Murra alias Ervis Manna, 31 vjeç, banues në Shupenzë, Dibër, u arrestua dhe do të dërgohet në Itali për të kryer dënimin për vjedhje me armë. Ai është shpallur në kërkim ndërkombëtar nga autoritetet italiane, pasi Gjykata e Apelit në Perugia në 2017, e ka dënuar këtë shtetas me 5 vjet burg, për kryerjen e veprës penale “Vjedhja me armë”.
Në këtë kuadër, shërbimet operacionale të DVP Dibër, në bashkëpunim me Interpol Tiranën dhe Interforzën italiane pas informacioneve të marra në rrugë operative, kanë finalizuar me sukses operacionin policor “Maqellara”, duke bërë të mundur arrestimin e tij.
