Udhëheqësi suprem, Ajatollah Ali Khamenei ndaloi qeverinë e Iranit që të importojë vaksina kundër covid-19 nga Shtetet e Bashkuara të Amerikës dhe Britania e Madhe.
Khamenei është shprehur se anglo-amerikanët duan të testojnë vaksinat në kombet e tjera dhe për këtë arsye nuk janë të besueshëm.
Irani renditet ndër vendet më të goditura nga pandemia në lindjen e mesme. Vaksina vendase që po prodhohet atje, ka nisur provat njerëzore muajin e kaluar.
Lideri i Iranit gjithashtu shprehu një mungesë interesi në kthimin e SHBA në marrëveshjen bërthamore e cila u braktis nga Trump, megjithëse ai këmbënguli që sanksionet të hiqeshin.
“Ne nuk po nxitojmë dhe nuk po insistojmë në kthimin e SHBA-së. Kërkesa jonë … është heqja e sanksioneve,” tha Khamenei./DW
