Ish-anëtari i Shtabit të Përgjithshëm të UÇK-së, Kadri Veseli ka folur pas intervistimit nga Gjykata Speciale.
Ai nuk ka dhënë detaje se në çfarë cilësie është intervistuar, por ka kërkuar tek qytetarët ta kalojnë këtë sfidë bashkë, njofton Klan Kosova.
”Siç edhe kam premtuar publikisht, sot jam paraqitur për intervistim – kam përfunduar intervistën në Gjykatën Speciale. Vitet ’90-ta kanë qenë të rënda për popullin tonë, nënshtrim para Serbisë për spastrim etnik për gjenocid kundër popullit tonë”.
”Lufta e UÇK-së ka qenë përballje me spastrimin etnik që ka synuar Serbia ta bëjë në Kosovë. Ftoj qytetarët e Kosovës që ta kalojmë bashkë këtë sfidë”, është shprehur Veseli, njofton Klan Kosova.
Kujtojmë që Veseli ka udhëtuar dje për në Hagë për t’iu përgjigjur ftesës së Gjykatës Speciale!
