Sekretari i përgjithshëm i Lëvizjes për Bashkim, Avni Klinaku ka treguar se pse Kosova paguan për rrymën e harxhuar nga serbët në veri të Kosovës, shkruan Fokusi.info.
Klinaku thotë se kjo ndodh sepse pushtetmbajtësit në Kosovë po e blejnë paqen politike, po e ruajn staus quo-n, po e ruajnë rehatinë e vet në kurriz të taksapaguesve, në kurriz të shumicës së qytetarëve.
Postimi i plotë:
Pse Kosova paguan për rrymën e harxhuar nga serbët në veri të Kosovës?
Tash e njëzet vjet shteti i Kosovës nga taksat e qytetarëve paguan për rrymën që shpenzohet nga serbët në katër komunat me shumicë serbe në veri të vendit.
Në këtë çështje, kjo qeveri e ky Kuvend i ngjajnë njëra-tjetrës si dy pika uji.
Por pse në të vërtetë po ndodh kështu?
Kjo ndodh sepse pushtetmbajtësit në Kosovë po e blejnë paqen politike, po e ruajn staus quo-n, po e ruajnë rehatinë e vet në kurriz të taksapaguesve, në kurriz të shumicës së qytetarëve.
