Anëtari i Kryesisë së Vetëvendosjes, Galuk Konjufca, është shprehur i bindur se partia e tij e kalon 50% e votave kur të numërohen edhe votat e diasporës.
“Unë jam i bindur që me votat e diasporës kalon 50%”, është shprehur Konjufca.
Megjithatë, Konjufca e konsideron sukses edhe nëse VV-ja nuk e kalon këtë më shumë se gjysmën e përqindjes.
“Por edhe nëse nuk kalon, rreth 50% është pothuajse gjysma e popullatës së Kosovës”, thotë Konjufca në emisionin DPT në T7.
Ai gjithashtu tha se kur kuptohet se pothuajse çdo i dyti qytetar e ka votuar VV-në, kjo është një arritje e jashtëzakonshme sipas tij.
“Kur e kupton që çdo i dyti qytetar e ka votuar VV-në, është një arritje e jashtëzakonshme”, shtoi Konjufca.
