SHBA- Koronavirusi i ka marrë jetën në SHBA publicistit të njohur shqiptar, Ilir Hashorva. Lajmi bëhet i ditur nga familjarët e tij, të cilët kanë shkruar mesazhe ngushëllimi.
Hashorva jetonte prej disa vitesh në Nee York, por pavarësisht kësaj kishte bashkëpunime me shumë prej gazetave shqiptare. Ai shqyhej për trajtimin e temave të ndryshme socio-politike dhe çështjen kombëtare.
Duke si një ironi e jetës, pasi libri i fundit i Hashorvës, libri i fundit me të cilin po merrej fliste për një epidemi të rëndë, siç ajo që po përjeton vendi tani. Ky detaj është zbuluar nga kushëriri i tij, Ardian Vehbiu.
“Sa e hidhur po më duket tani, që libri i fundit për të cilin po kujdesej, përkthimi integral që ia kish bërë i ati, Ali Hashorva, “Dekameronit” të Boccaccio-s, fliste për një epidemi të rëndë, si kjo e tanishmja”, shkruan Vehbiu.
Kush ishte Ilir Hashorva
Ilir Hashorva ishte djali i Ali Hashorvës, mësues dhe përkthyes i njohur. Ai ka botuar librat “Gandi – jeta”, “Gandi – filozofia dhe feja, Gandizmi” dhe “Analiza e komente për Gandin dhe Gandizmin”, përkthimin “8 orë nga Anglia” të autorit britanik Anthony Quale – një dëshmi historike e ndodhive të Luftës së Dytë Botërore, hedhur në botim nga autori menjëherë pas fitores të koalicionit antifashist, me dëshmi autentike dhe të pandikuara nga ngjarje të tjera të mëvonshme, si dhe një sërë përkthimesh të tjera.
