Pas 10 ditësh fushatë elektorale ku subjektet politike, kandidatët për kryeministër dhe deputetë paraqiten programet e tyre dhe kërkuan votën e qytetarëve, sot Kosova është në heshtje zgjedhore.
Nesër, Kosova do të votojë për formimin e qeverisë së re dhe për 120 deputetë në Kuvendin e Kosovës.
Komisioni Qendror Zgjedhor për zgjedhjet e 6 tetorit ka certifikuar 25 parti dhe subjekte politike të cilat do të garojnë.
Në anën tjetër, nga këto 25 subjekte politike të certifikuara për një ulëse në Kuvendin e Kosovës garojnë 1097 kandidatë për deputetë.
Për të vendosur se kush do të jetë qeveria e ardhshme dhe kush do të jetë i ulur në Kuvendin e Kosovës, në zgjedhjet e 6 tetorit, të drejtë vote sipas KQZ-së, kanë rreth 1 937 868 kosovarë.
