Kryetari i Partisë Demokratike të Kosovës, Memli Krasniqi në një takim të përbashkët me kryetarët e Degëve të Partisë Demokratike të Kosovës, tha se largimi nga vendi i qytetarëve është si pasojë e qeverisjes së paaftë.
“Duke u nisur nga vizitat që kam bërë gjithandej nëpër Kosovë, si dhe nga takimet e përditshme që kanë kryetarët e Degëve të PDK-së më bashkëqytetarët e tyre, ndamë shqetësimin e përbashkët për rritjen enorme të numrit të qytetarëve që po largohen nga Kosova për shkak të qeverisjes së paaftë të nivelit qendror e cila nuk po mbështetë projektet e komunave si dhe nuk po realizon asnjë nga premtimet e shumta që kishte dhënë para qytetarëve”, ka shkruar Krasniqi në rrjetin e tij në Facebook.
Sipas Krasniqit Kosova nuk mund të bëjë hapa përpara pa kapacitetet dhe energjinë e rinisë.
