Një ditë pasi biznesmeni serb Vladimir Cizelj u përmend si “sekser” për çnjohjen e Kosovës nga Togo, krydiplomati i Togos, Robert Dussey e ka takuar atë në Beograd.
Dussey ka njoftuar në Twitter për vizitën që ia ka bërë biznesmenit Cizelj dhe ka folur për një “pritje shumë të ngrohtë”.
“Vizitova Institutin e Kërkimeve Teknologjike Vlatacom në Beograd ku prita një pritje shumë të ngrohtë dhe një prezantim emocionues nga Drejtori i Përgjithshëm i Institutit, z. Vladimir CIZELJ dhe bashkëpunëtorët e tij”, shkroi Dussey.
Të martën, Jetlir Zyberaj, këshilltar politik i ish-kryediplomatit të Kosovës, Behgjet Pacolli tha se biznesmeni Vladimir Cizelj është “sekser i Vuçiqit dhe Daçiqit”.
“Drejtori i Kompanisë “Vlatacom Institute”, Vladimir Cizelj, sekseri i Vuçiqit dhe Daçiqit, i njohur për afera korruptive në shumë vende afrikane dhe me çështje gjyqësore në Botsvanë, është personi që vazhdon të shtroj tepihun e kuq për diplomacinë koruptive të Serbisë, që ka prekur edhe ministrin e Jashtëm të Togos, Robert Dussey”, ka shkruar Zyberaj.
J’ai visité l’institut de recherche technologique Vlatacom de Belgrade où j’ai reçu un accueil très chaleureux et une présentation passionnante du directeur général de l’institut, M. Vladimir CIZELJ et de ses collaborateurs @Vlatacom #Serbie pic.twitter.com/Muu9QK7M4Q
— Robert Dussey (@rdussey) January 17, 2023
