Kryetari i Prishtinës, Shpend Ahmeti ka kërkuar nga qytetarët që të mos e frekuentojnë parkun nacional të Gërmisë pasi që është vërejtur një ari.
Përmes një postimi në Facebook, Ahmeti ka thënë se ariu nuk është pjesë e “Parkut të Arinjve” dhe besohet se ka ardhur përmes shtigjeve malore që lidhen me pjesën e Gollakut, transmeton Fokusi.info.
Postimi i plotë:
Apel për qytetarët!
Të nderuar qytetarë, ju bëjmë thirrje që t’i shmangeni frekuentimit të Parkut të Gërmisë, pasi para pak minutash kemi pranuar një informacion nga Policia e Kosovës se është vërejtur një Ari.
Ariu nuk është pjesë e “Parkut të Arinjëve”, prandaj ekziston mundësia që i njëjti të ketë ardhur përmes shtigjeve malore që lidhen me pjesën e Gollakut.
Rojat e pyllit janë duke u munduar të lokalizojnë Ariun por deri në një njoftim tjetër apelojmë të shmangni lëvizjet në Parkun e Gërmisë!