Nënkryetari i LDK’së, Kujtim Shala, ka deklaruar se Vjosa Osmani tani është një kundërshtare e kësaj partie, transmeton Fokusi.info.
E shkarkuar nga të gjitha pozitat e LDK’së, Vjosa Osmani tani po cilësohet si kundërshtare e kësaj partie për shkak të bashkimit me Lëvizjen Vetëvendosje.
Shala ka thënë për Vjosa Osmanin që ish-partia e saj do ta trajtojë si kundërshtare.
“Osmani është kundërshtare politike, është e tillë dhe ashtu e trajtojmë”, është shprehur Shala në T7.
Shala ka thënë nuk i jep të drejtë Osmanit as tash, e as më parë për largimin e saj nga LDK’ja dhe tani që po punon kundër ish partisë së saj.
Ai tha se Vjosa Osmani ose është dashur t’i pranoj parimet e LDK’së ose është dashur të largohet më herët.
“Në rrafshin politik nuk i kam dhënë të drejtë as atëherë as tani. Nuk mund të thuash ‘unë nuk arrita t’i bindi të gjithë, tash do të punojë kundër të gjithëve’. Ose duhet të rrish dhe të pranosh parimet, ose të largohesh”, ka thënë Shala.
