Në mbledhjen e sotme të Qeverisë është miratuar propozim-vendimi për themelimin e një këshilli organizativ për shënimin e ditës së shpalljes së pavarësisë së Shqipërisë.
Kryeministri Albin Kurti e lexoi këtë propozim “për të nderuar këtë festë të madhe kombëtare”.
“Për të nderuar këtë festë të madhe kombëtare, propozoj para jush krijimin e këshillit organizativ që do të ngarkohet me përgjegjësi për realizimin e programeve, ceremonive shtetërore me rastin e kësaj feste dhe këtij përvjetori jubilar”, tha Kurti
Shefi i Qeverisë tregoi se këtë këshill do ta kryesojë ministri i Kulturës, Hajrulla Çeku.
Këtë 28 nëntor, Shqipëria shënon 110 vjetorin e pavarësisë.
