Një vrasje e rëndë ka tronditur sonte qytetin e Klinës.
Derisa një familje ishte duke ngrënë iftar në një nga restaurantet e qytetit, dy anëtarë të saj pësuan në parkingun e restaurantit.
Njëri nga ta u plagos, ndërsa tjetri nuk u mbijetoi plagëve të marra.
Viktima e sulmit: Fazli Hoxha
Lidhur me vrasjen e 23 vjeçarit, Fazli Hoxha dhe plagosjes së vëllait të tij, Mahmutit, Policia në Pejë konfirmoi më herët për Indeksonline se 5 persona janë arrestuar.
I plagosuri: Mahmut Hoxha
“Tre persona janë arrestuar që dyshohet se janë të involvuar në rast dhe dy të tjerë janë shoqëruar”, tha për Indeksonline Fadil Gashi zëdhënës i Policisë për rajonin e Pejës.
Burime të Indeksonline bëjnë me dije se A.Gashi është personi i dyshuar për vrasjen në Klinë.
Ai është nga fshati Sferrk i Klinës.
