Emisari i Bashkimit Evropian për dialogun Kosovë – Serbi, Miroslav Lajçak është takuar me presidentin e Serbisë, Aleksandër Vuçiq, gjatë qëndrimit në New York.
Përmbajtja e bisedës ka qenë për dialogun Kosovë – Serbi, kështu Lajçak ka thënë se me Vuçiqin kanë rënë dakord për nevojën për të avancuar zbatimin e Marrëveshjes për Rrugën e Normalizimit dhe rëndësinë e uljes së tensioneve.
”Diskutim i rëndësishëm me presidentin serb, Aleksandër Vuçiq, në rrugën përpara në Dialogun në margjinat e #UNGA. Ranë dakord për nevojën për të avancuar zbatimin e Marrëveshjes për Rrugën e Normalizimit dhe rëndësinë e uljes së tensioneve”, ka shkruar ai në Twitter.
Lajçak është akuzuar nga kryeministri i Kosovës, Albin Kurti që për takimin e 14 shkurtit është koordinuar me presidentin serb Vuçiq.
Pas këtyre akuzave, emisari amerikan për Ballkanin Perëndimor, Gabriel Escobar, ka reaguar duke thënë se “SHBA-ja është në linjë me Lajçakun”.
Ndërkaq, Kurti për Lajçakun është ankuar duke dërguar letra në Uashington, Berlin, Paris e Romë.
Important discussion with @predsednikrs on the way forward in the Dialogue in the margins of #UNGA. Agreed on the need to advance the implementation of the Agreement on the Path to Normalisation and the importance of lowering tensions. pic.twitter.com/wxYBI1uiWx
— Miroslav Lajčák (@MiroslavLajcak) September 21, 2023
