Javë më parë në qytetin e Ferizajit, më saktësisht në një restauran ndodhi një shpërthim i madh, ku mbeten të lënduar shumë persona.
Për shkak të gjendjes së rëndë, 6 personat e shtrirë në QKUK, u desh të dërgohen jashtë vendit për shërim.
Fillimisht katër pacientë u dërguan në Turqi ndërsa dy të tjerë në Austri. Gjendja e tyre ishte shumë e rëndë, pasi dy prej tyre ishin në gjendje kome.
Para pak çastesh këngëtari Labinot Tahiri, përmes një postimi në facebook ka njoftuar se 2 personat që po trajtohen në Austri janë zgjuar nga koma dhe kanë vetëdije të plotë.
Postimi i plotë nga Tahiri:
Lajm i mirë!
E dashur diasporë dhe ju shqiptarë nga do që jeni , dhe që keni kontribur aq shumë për Fidan Gashin dhe Enver Xhoklin, po ua tregoj lajmin e mirë për gjendjen e tyre shêndetsore!
Sapo u informova nga familjet e tyre, ku këta dy shpirta janë zgjuar nga koma dhe janë me vetëdie të plotë, po ashtu po trajtohen shumë mirë.
Zoti i madh bëri edhe një mrekulli!
Po ashtu uroj që edhe 4 personat e tjerë të cilët po trajtohen në Turqi, të janë shêndosh e mirë.
Vazhdojmë me misione të mdha në kujdesin 100% ndaj qytetarëve dhe vendit të shejtë Kosovë e Shqipërisë.
