Në Klinikën e Gjinekologjisë në Prishtinë ka vdekur një foshnje, ku sipas raportit të policisë foshnja ishte dërguar në klinikë më 16 tetor.
Policia njofton se lidhur me rastin është intervistuar një person i cili kishte deklaruar se motra e tij e ka lindur foshnjën në banesë, transmeton Telegrafi.
“Nga Klinika e Gjinekologjisë është pranuar informata për një vdekje të një foshnje e cila ishte pranuar në klinikë më datë 16.10.2023 rreth orës 06:15. Lidhur me rastin është intervistuar dëshmitari mashkull kosovar i cili ka deklaruar se më datë 15.10.2023 rreth orës 21:30 motra e tij e ka lindur foshnjën në banesën e saj dhe më pas është dërguar në QKUK”, thuhet në njoftim.
Në konsultim me prokurorin kujdestar trupi i pa jetë është dërguar në IML për obduksion.
