Nënkryetari i Lidhjes Demokratike të Kosovës Lutfi Haziri, ka thënë se partia e tij përcakton drejtuesin e qeverisë së re të Republikës së Kosovës.Këtë deklaratë Haziri e bëri një ditë pasi që lideri i kësaj partie Isa Mustafa, u shpreh se nuk është opsion i vetëm për ta arritja e marrëveshjes për bashkëqeverisje me Lëvizjen Vetëvendosje.
“Tashmë dihet që asnjë parti s’mund ta formojë qeverinë e vetme sepse sistemi zgjedhor në Kosovë nuk e mundëson këtë.
Ky vend ka nevojë për qeverisje të mirë si për ajër. Por, ajo që është e qartë është se emri i kryeministrit kalon nëpër zyre të LDK-së”, tha Haziri.
Në anën tjetër nga VV-ja janë të bindur se do të arrijnë marrëveshje bashkëpunimi me LDK-në, për krijimin e qeverisë.
