Një aksident i rëndë është regjistruar në aksin rrugor Laç- Mamurras, në fshatin Gjormë, ku një automjet i tip “Benz” është përplasur me një kamion.
Mësohet se për shkak të përplasjes së fuqishme ka mbetur i plagosur drejtuesi i mjetit tip Benz shtetasi me inicialet S.T., 57 vjeç, banues në Kurbin, i cili është dërguar në Spitalin e Traumës Tiranë dhe ndodhet nën kujdesin mjekësor.
Ndërsa drejtuesi i kamionit shtetasi me inicialet M.L.,37 vjeç, banues në Kurbin, nuk ka pësuar lëndime.
Njoftimi i policisë:
Në aksin rrugor Laç- Mamurras, në fshatin Gjormë, mjeti tip Benz me drejtues shtetasin S.T, 57 vjeç, banues në Kurbin është përplasur me mjetin kamion me drejtues shtetasin M.L.,37 vjeç, banues në Kurbin.
Si pasojë e përplasjes ka mbetur i dëmtuar drejtuesi i mjetit shtetasi S.T., i cili është dërguar në Spitalin e Traumës Tiranë dhe ndodhet nën kujdesin mjekësor.
Grupi hetimor vazhdon veprimet në vendngjarje për sqarimin e rrethanave të aksidentit.
Shekulli
