Policia në Mitrovicë ka arrestuar një person të dyshuar i cili është zënë në flagrancë duke tentuar të vjedhë në një lokal.
Policia bën të ditur se i dyshuari e ka pranuar se ka kryer vjedhje në një lokal.
“Gjatë intervistimit i dyshuari ka deklaruar se kishte kryer edhe një vjedhje në një lokal ku nga kishte vjedhur 11 makina elektrike për prerje të flokëve, 10 sapunë të rrojës dhe 3 telefona celularë të cilat janë kanë sekuestruar dhe ia janë kthyer pronarit”, thekson policia.
Pas intervistimit me vendim të prokurorit i dyshuari është dërguar në mbajtje për 48 orë.