Një lopë e cila po ndiqej nga qentë në një shtëpi në Alabama, kërceu në pishinë për t’ju shpëtuar atyre.
Siç shihet në pamjet e mëposhtme në këtë vend të gjelbëruar ajo po ndiqej nga dy qen në një lëndinë mbrapa shtëpisë, ndërsa brenda disa sekondave njëri prej qenve e kafshon atë duke e zënë në befasi.
Sipas mediave të huaja, përcjell Telegrafi, videoja u ngarkua nga Micheal French në Youtube, i cili rrëfeu me ngazëllim të gjithë ngjarjen.
“Çfarë po ndodh? Çfarë dreqin është kjo?!”, thotë French.
Disa momente më vonë, drama “ngritet” pasi lopa vazhdon e noton në atë pishinë e ndjekur afër nga njëri prej qenve.
French deklaron se klipi i është dërguar mbesës së tij, kurse deri më tani ka marrë më shumë se 200 mijë shikime./Telegrafi/
