Në mëngjes në vise të ulëta mundësi për mjegull. Ditën butë, vranësira dhe intervale me diell. Pasdite dhe në mbrëmje vende-vende mundësi për riga lokale shiu.
Temperaturat minimale do të lëvizin nga 1 deri në 3 gradë celsius, ndërsa maksimalet nga 7 deri në 9 gradë celsius.
Do të fryjë erë mesatare dhe mesatarisht e fuqishme nga jugperëndimi 5-14m/s. Indeksi UV: 2.
Po ashtu, depërtimi i fushave të presionit të ulët do të mundësojë qarkullim të mjaftueshëm ajror që do të shpërndajë ndotësit që janë koncentruar këto ditë pranë sipërfaqes, kështu që vlerat e cilësisë së ajrit do të zbresin në mesatare dhe të mira.
