Sot në Kosovë do të mbajë mot me vranësira dhe intervale kohore me diell. Temperaturat ditore do të shënojnë ngritje, ndërsa mëngjesi do të jetë me ngrica të dobëta dhe vende-vende me mjegull.
Në Shqipëri, Maqedoninë Veriore dhe Mal të Zi sot pritet të mbajë mot me intervale kohore me diell dhe vranësira të herëpashershme. Temperaturat do të shënojnë ngritje. Nëpër disa lugina mëngjesi do të jetë me mjegull.
Ditëve të ardhshme do të mbajë mot i ngjashëm, me intervale kohore me diell dhe vranësira kalimtare në shumicën e rajonit. Në disa vise pritet të ketë mjegull ose vranësira të ulëta për shkak të inversionit të temperaturave ku nëpër viset kodrinore-malore do të jetë më nxehtë, ndërsa nëpër lugina më ftohtë. Megjithatë të theksojmë se në shumë pjesë të vendeve tona do të ketë mot mjaft të këndshëm ditëve të ardhshme (sidomos disa orë të mesditës), me përjashtim të atyre rajoneve ku do të ketë mjegull dhe vranësira të ulëta ku do të jetë më ftohtë si dhe kualiteti i ajrit do të përkeqësohet.
Një shpresë është ndezur për festat e fundvitit për shkak se modelet favorizojnë një bllokadë të fuqishme anticiklonike në Atlantik dhe Grenlandë. Kjo do të hapte rrugë për depërtimin eventual të masa të ftohta ajrore polare dhe siberike në drejtim të rajonit tonë të cilat së bashku me ciklonin Skandinav i cili do të krijonte edhe një tjetër ciklon sekondar në Detin Adriatik dhe Jon do të na sillte reshje të dendura bore. Njëherë për njëherë kjo mbetet vetëm një sinjal dhe nuk është parashikim ose konkluzion, por është sinjal i fortë sepse po të mos ishte nuk do e kishim përmendur. Megjithatë pasi që periudha kohore është mjaft e gjatë ndryshime të mëdha mund të ndodhin prandaj ju lusim që ta merrni këtë lajm/sinjal me rezervë./Meteoballkan
