Deputetja e PDK-së, Ganimete Musliu në fjalimin e saj në Kuvendit e Kosovës ka lexuar një mesazh të cilin thotë se e mori nga një polic kufitar.
Sipas saj ky mesazh shpreh paknaqësitë e policisë.
“E nderuara deputete, jam polic kufitar dhe gjendja në policinë kufitare të vijës së gjelbër është e mjerueshme. Nuk kemi vetura te blinduara, nuk kemi ujë të pijës, nuk kemi mjete higjenike bazike. Rrezikshmëria është shumë e lartë. Punën e kryejmë me vetura të thjeshta e shumë të dëmtuara”, thuhet në mesazhin me të cilin nisi fjalimin Musliu.
