Mbrojtësi i kombëtares shqiptare, Naser Aliji ka kaluar në kampionatin hungarez te Honved Budapest, duke nënshkruar një kontratë 3-vjeçare.
Mbrojtësi i majtë, ka ndryshuar gjashtë skuadra nga viti 2015 deri në vitin 2019.
Sezonin e kaluar ai ishte pjesë e Dinamo Bukureshtit në ligën e parë të futbollit rumun, por pavarësisht paraqitjeve të mira ai e prishi kontratën në fund të sezonit, ndërsa tashmë ka kaluar në kampionatin hungarez.
Ka qenë vetë Aliji, që me njoftim në rrjetet sociale e ka zyrtarizuar kalimin tek klub.
“Për fat të mirë, unë dua t’iu informoj se një kapitull i ri në jetën time do të nisë tani”.
“Me shumë krenari i bashkohem Honved Budapest. Mezi po pres të nis aventurën time të re në Hungari dhe premtoj se do të jap maksimumin për këtë klub të madh”, deklaroi ai.
