Real Madridi nuk është këndellur, pas barazimit të javës së kaluar ndaj Valladolid.
‘Los Blancos’ sërish kanë barazuar, kësaj radhe në udhëtim te Villarreal me rezultat 2 – 2.
Vendasit kaluan dy herë në epërsi, por Gareth Bale që ishte në formë të jashtëzakonshme sonte, shënoi po aq herë.
Gerard Moreno (12’) zhbllokoi ndeshja, ndërsa anësori uellsian (45+1’) baraspeshoi gjithçka, për të cilin ishte goli i parë në La Liga pas 169 ditëve.
Kur pritej që të shënonte Reali, në skenë doli Moi Gomez (74’) që i dha edhe njëherë epërsinë ‘Nëndetëses së Verdhë’.
Por ‘lojtari i padëshiruar’ i Zidane, Bale realizoi një gol të bukur për rezultatin 2 – 2 dhe shpëtoi nga humbja skuadrën e tij, pavarësisht se në fund ai u përjashtua nga ndeshja pas kartonit të dytë të të verdhë brenda dy minutave.
https://www.youtube.com/watch?v=vNM-0-eSKF0
