Kryeministri Edi Rama në një deklaratë për mediat ka bërë me dije se duke filluar nga e nesërmja do të futen në fuqi disa masa lehtësuese. Kreu i qeverisë tha se nga java e ardhshme çdo qytetar do të mund të dalë me makinë personale për të shkuar dhe për të ardhur nga puna, duke hequr kështu autorizimet që deri më tani merreshin edhe në polici.Ai gjithashtu shpjegoi edhe mënyrën se si duhet të ulen në makinë.
“Javën e ardhshme në platformën e-albania do të merret autorizim javor për ata që janë në punët e lejuara dhe automjeti mund të lëvizë për vajtje ardhje në punë me vetëm një person në sedilejn e pasme diagonal i cili mund të jetë një koleg në të njëjtin vend pune, ose familjar i pajisur me autorizim për punë. Kush merr leje duhet ta lexojë mirë pasojën penale që vjen.
Ne do të bëjmë që nesër, mbase që sot mbasdite, një test dhe do të provojmë mirëfunksionimin e këtij instrumenti që i jep fund një faze në policinë e shtetit, me e-mail ku për shkak të shtrëngesave dhe kujdesit ka pasur masivisht refuzime, edhe mospërgjigje që kanë shkaktuar dhimbje koke. Ndjesë për to, por shëndeti mbi të gjitha”, deklaroi Rama.
