Kryetari i Komisionit Parlamentar për Kosovën, Milovan Drecun, ka thënë se Beogradi nuk duhet të provokohet nga Prishtina.
Drecun i tha RTS-së, se dëshira e shqiptarëve është të provokojnë konflikte pasi me këtë krijojnë kushte për të shpallur bashkimin e Kosovës me Shqipërinë.
“Natyrisht se ata e gjetën momentin. Autoritetet e Kosovës po tregojnë mungesë vullneti për të vazhduar dialogun”, ka deklaruar ai.
Tutje, ai ka thënë se është i befasuar se si KFOR e lejoi hyrjen e ROSU në veri.
Sipas tij, nga kjo njësi policore po dërgohet mesazh lufte.
