Sot bëhen një javë që kur është zhvilluar takimi i fundit mes kryetarit të Vetëvendosjes, Albn Kurti, dhe atij të LDK-së Isa Mustafa, por që përfundoi pa marrëveshje për bashkëqeverisje.
Mollë sherri është bërë pozita e presidentit, të cilën Isa Mustafa po e kërkon me ngulm, pasi pozitat tjera përveç asaj të kryeministrit po i duken të parëndësishme për veten e tij.
Kjo këmbëngulje ka krijuar një situatë ende pa zgjidhje, duke e shtyrë marrëveshjen aq shumë të dëshiruar nga qytetarët që me 6 tetor votuan për ndryshim.
Por afatet kushtetuese tashmë kanë filluar për krijimin e insititucioneve të reja të dala nga zgjedhjet e 6 tetorit.
Kushtetuta e Republikës së Kosovës e përcakton se Kuvendi konstituohet 30 ditë nga certifikimi i zgjedhjeve nga Komisioni Qendror i Zgjedhjeve.
KQZ ka certifikuar rezultatet e zgjedhjeve të fundit më 27 nëntor, prandaj Kuvendi i ri duhet të konstituohet deri më 27 dhjetor, përndryshe vendi shkon në zgjedhje të reja.
Mbetet të shihet nëse Vetëvendosje dhe LDK do të merren vesh për formimin e qeverisë se re dhe konstituimit të Kuvendit dhe organeve të reja./veriu.info/
