Pas kritikave se shkeli rregullat e izolimit të koronavirusit, në Republikën e Irlandës, komisioneri i BE-së Phil Hogan do të dorëhiqet nga posti, shkruan BBC.
Hogan mori pjesë në një darkë golfi me më shumë se 80 persona në County Galway më 19 gusht dhe ishte në qendër të vëmendjes për mosrespektimin e rregullave të karantinës kur arriti nga Brukseli.
Hogan ishte vënë nën presion pasi presidentja e Komisionit Evropian, Ursula von der Leyen i kërkoi të jepte një llogari të lëvizjeve të tij ndërsa ishte në Irlandë. U zbulua se ai nuk i kishte përfunduar 14 ditë në izolim, sipas rregullave për çdo udhëtar që shkon në vend dhe u hodhën poshtë deklaratat e mëparshme nga një zëdhënës i Komisionit që pretendonte se ai ishte izoluar për dy javë të plota, informon dritare.net. Kjo shtroi pyetjen nëse ai kishte mashtruar edhe punëtorin e tij, në lidhje me lëvizjet. Për më tepër, dëshmitarët okularë thanë atë javë që mbërriti në Irlandë ai nuk ishte izoluar, por përkundrazi kishte shkuar në restorante, bare dhe bibliotekën e hotelit K Club dhe vendpushimin e golfit në Co Kildare. Dorëheqja do të thotë që Irlanda duhet të emërojë një komisioner të ri për të zëvendësuar Hogan./dritare.net
