Këtë javë pritet një mot i paqëndrueshëm në Kosovë që vjen si pasojë e masave të lagësha të ajrit që vjen nga perëndimi dhe jugperëndimi.
“Java e ardhshme parashihet të jetë me kushte të paqëndrueshme meteorologjike. Kjo situatë meteorologjike rrjedh si pasojë e masave të lagështa të ajrit me origjinë perëndimore dhe jugperëndimore”, thuhet në njoftimin e Institutit Hidrometeorologjik të Kosovës.
“Parashihen rritje të temperaturave në të dy vlerat ekstreme, por edhe reshjet nuk do të mungojnë”.
“Mëngjeset do të jenë me ngrica si pasojë e vlerave negative të temperaturave minimale, prandaj pjesëmarrësit në komunikacion duhet të kenë kujdes të shtuar”.
Ndërkaq sot më specifikisht moti pritet të jetë kryesisht i vranët dhe me pak shi e borë gjatë natës.
“Mot kryesisht i vranët dhe me reshje shiu të cilat vonë gjatë natës parashihen të shndërrohen në fjolla bore. Reshjet do të jenë të intensitetit të ulët deri mestar”.
“Temperaturat minimale parashihen të lëvizin ndërmjet -3 deri -1 gradë Celsius, ndërsa maksimalet e ditës parashihen të lëvizin ndërmjet 3-5 gradë Celsius. Do të fryjë erë nga drejtimi i jugperëndimit e lehtë deri mesatare”.
