Partia Demokratike e Kosovës nuk i frikësohet Vetëvendosjes që mund t’ia marr bastionet e saj.
Drenica qëndron stoike ndaj PDK-së që nga paslufta e Ganimete Musliu, deputete e PDK-së, e cila është nga kjo anë, shprehet shumë e sigurt për rritjen e partisë dhe fuqizimin e bastioneve.
E pyetur nga lajmi.net se a i frikësohet Vetëvendosjes, e cila ndau Llapin me LDK-në pas 20 vitesh, thotë se Albin Kurti vitin e ardhshëm kur edhe do të mbahen zgjedhjet nuk do të ketë mundësi të fle nëpër shtëpi të qytetarëve dhe nuk të ketë kohë të përqafojë lisa.
“Duhet me pa përtej Podujevës. Zgjedhjet lokale që do të mbahen në gjithë territorin e Kosovës dhe nuk do të ketë mundësi Albin Kurti të shkojë të flejë në Podujevë siç ka ndodhur tani, apo të përqafoj lisat e Podujevës, por gara do të jetë e shpërqendruar në gjithë territorit të Kosovës”, ka thënë mes tjerash Musliu.
Ajo ka treguar, pa përmendur emra se PDK është duke bërë përgatitje të listës së kandidatëve për kryetar të komunave.
