Partia Demokratike e Kosovës ka shprehur shqetësimin lidhur me mos angazhimin e institucioneve për t’i pastruar rrugët nga reshjet e mëdha atmosferike të borës.
Si pasojë e kësaj, Abelard Tahiri nga PDK tha se qytetarëve po iu pamundësohet ushtrimi i të drejtës së tyre për të votuar.
“Sot, PDK që nga mëngjesi ka marrë reagime të cilëve iu është pamundësuar për të votuar si rezultat i kushteve atmosferike. Bora ka vështirësuar qarkullimin në tërë territorin e Kosovës. Shprehim shqetësimin më mos angazhimin e qeverisë në largimin e borës në mbarë vendin, e sidomos në zonat rurale… Po ashtu, shqetësimi ynë i dytë është që shumë qytetarë të prekur nga COVID nuk po munden të ushtrojnë të drejtën e tyre demokratike”, tha ai.
Pavarësisht kësaj, përmes një konference për medie, Tahiri ftoi qytetarët të dalin masovikisht në votime.
“Nuk duhet lejuar që faktorët e jashtëm të zbehin botën e qytetarëve. Prandaj PDK fton qytetarët të gjejnë mundësinë për të votuar”, tha ai.
