Ka përfunduar për këtë javë gjykimi për krime lufte ndaj Salih Mustafës që po zhvillohet në Hagë.
Në faqen zyrtare të Dhomave të Specializuara të Kosovës (DhSK) në Hagë është bërë e ditur se seanca e caktuar për të premten është anuluar.
Po ashtu, në njoftim bëhet e ditur se seanca e radhës në këtë rast mbahet më 22 nëntor, raporton Fokusi.info.
Ndryshe, gjatë kësaj jave, dëshminë e saj e ka dhënë dëshmitarja e shtatë e mbrojtur, e cila ka dëshmuar lidhur me procesin e zhvarrimit të një kufome.