Diplomati gjerman, Wolfgang Ischinger dhe emisari për dialogun Kosovë-Serbi, Richard Grenell janë përplasur për Kosovën.
Ischinger përmes rrjetit social Twitter ka thënë se është mirë që SHBA-ja kujdeset për marrëdhëniet Kosovë-Serbi, porse njohje mes dyja vendeve nuk ka.
“Është mirë që SHBA interesohen për marrëdhëniet Serbi-Kosovë. Por e rëndësishme të theksohet: asnjë marrëveshje midis dy vendeve nuk u nënshkrua në SHBA sepse ende nuk ka njohje reciproke. Mbetet shumë punë për përfaqësuesit e Bashkimit Evropian”, ka thënë ai.
Porse nuk ka munguar as përgjigja e Grenellit. Ai ka thënë se “në vend se të ankoheni, pse nuk po i liberalizoni vizat për Kosovën, gjë që e keni premtuar për vite”,
Ischinger në replikë ndaj tij, ka thënë se pajtohet se çështja e liberalizimit është vonuar.
“E kam diskutuar këtë për vite të tëra”, ka shkruar ai.
It is good that US cares about Serbia/ Kosovo relationship. But important to note: no agreement between the 2 was signed in DC because there is still no mutual recognition. Much work remains for #EU rep @MiroslavLajcak ! @EU_Commission @EU2020DE
— Wolfgang Ischinger (@ischinger) September 6, 2020