Policia e Kosovës ka dhënë detaje për grabitjen në mëngjesin e së premtes në Bankën Kombëtare Tregtare në Prishtinë.
Zëdhënësja e Policisë së Kosovës në rajonin e Prishtinës, Flora Ahmeti, për IndeksOnline, ka thënë se dyshohet që grabitja është kryer nën kërcënimin e armëve nga tre persona të dyshuar.
“Rreth orës 08:40 është raportuar për një grabitje të ndodhur në filialin e një banke në lagjen Dardania në Prishtinë .
Policia ka dalë në vendngjarje dhe nga informacionet e para dyshohet që grabitja është kryer nën kërcënimin e armëve nga tre persona të dyshuar.
Aktualisht po vazhdon ndërmarrja e veprimeve të nevojshme policore me qëllim ndriçimin e rastit”, tha ajo./IndeksOnline/
