Policia e Kosovës është duke bastisur disa lokacione në veri të vendit.
Ky aksion lidhet me sulmin e 24 shtatorit në Banjskë të Zveçanit.
Lajmin për Front Online e ka konfirmuar zëdhënësi i Policisë ëpr rajonin e veriut, Veton Elshani.
“Jemi duke zhvilluar një aksion në veri të vendit që lidhet me rastin e Banjskës. Deri në këtë moment nuk ka të arrestuar, më shumë nuk mund të jap detaje”, ka thënë Elshani, për Front Online.
Më 24 shtator, si pasojë e një sulmi të armatosur në Banjskë të Zveçanit u vra polici Afrim Bunjaku.
Ndërsa, nga aksioni tre sulmues u vranë, kurse është kapur edhe arsenal i madh armësh.
