Policia e Kosovës me njësitet e saja po vazhdon angazhimet në terren bashkë me inspektorët e Agjencisë së Ushqimit dhe Veterinës(AUV), në përpjekje për parandalimin e përhapjes së pandemisë COVID-19.
Përmes një komunikate në faqen zyrtare në Facebook, Policia e Kosovës, ka njoftuar se po vazhdojnë aktivitetet e tyre në tërë territorin e Kosovës, bashkë me inspektoratin AUV në zbatim te masave anti-COVID, sipas vendimit të Qeverisë së Kosovës.
“Përmes respektimit të masave, mbajtjes së higjienës, mbajtjes së distancës fizike dhe bartjes së maskës, ndikojmë së bashku në parandalim të përhapjes së pandemisë”, thuhet në njoftimin e Policisë.
